Jinsi mimba ya mapacha inavyopatikana.

Mapacha wanaweza kutokea wakati mayai mawili tofauti yanaporutubishwa kwenye tumbo la uzazi au yai moja lililorutubishwa linapogawanyika na kuwa viini viwili. Kupata mapacha ni jambo la kawaida hivi sasa kuliko ilivyokuwa zamani. Kwa mujibu wa Vituo vya Kudhibiti na Kuzuia Magonjwa ya Marekani (CDC), watoto mapacha wameongezeka karibu maradufu katika kipindi cha miaka 40 iliyopita.

Madaktari hawaelewi kikamilifu sababu kwa nini mimba ya mapacha wakati mwingine hutokea. Hata hivyo, baadhi ya mambo yanaweza kuongeza uwezekano wa kuzaa mapacha, ikiwa ni pamoja na:

• umri wa mwanamke kuwa na

• historia ya familia ya mapacha kuwa na

• matibabu ya uzazi

Kutunga mimba hutokea wakati mbegu za kiume zinaporutubisha yai na kutengeneza kiinitete. Hata hivyo, ikiwa kuna mayai mawili kwenye tumbo la uzazi wakati wa kutungishwa au yai lililorutubishwa kugawanyika katika viini viwili tofauti, mwanamke anaweza kupata mimba ya mapacha.

Kuna aina mbili za mapacha:

• Mapacha wakufanana: Aina hii ya ujauzito hutokea wakati yai lililorutubishwa linapogawanyika katika viini viwili tofauti. Viinitete hivi hua na vinasaba vinavyofanana. Mapacha wanaofanana ni wa jinsia moja na wanafanana sana.

• Mapacha wasiofanana, au wa kindugu: Aina hii ya ujauzito hutokea wakati kuna mayai mawili kwenye tumbo la uzazi wakati wa kutungishwa, na manii kurutubisha yote mawili. Viinitete hivi havina vinasaba vinavyofanana na huenda wasiwe wa jinsia moja.
  

Mapacha wa undugu ni jambo la kawaida baada ya matibabu ya uzazi kwa sababu wataalamu wa afya mara nyingi huweka viinitete viwili vilivyotungishwa kwenye tumbo la uzazi la mwanamke ili kuongeza uwezekano wa kupata mimba yenye mafanikio.

Je, mapacha ni wa kawaida kiasi gani?

Mapacha ni nadra sana. Kulingana na Jumuiya ya Amerika ya Tiba ya Uzazi (ASRM), takriban mimba moja kati ya mimba 250  huzaliwa mapacha. Mwanamke ana uwezekano mkubwa wa kupata mapacha wasiofanana kuliko mapacha wanaofanana. Theluthi moja ya mimba za mapacha, ni za wale wanaofanana.

Nini huongeza nafasi ya mapacha?

Sababu kadhaa zinaweza kuongeza uwezekano wa mwanamke kupata mapacha. Hizi ni pamoja na:

Historia ya familia –

Mwanamke ana nafasi kubwa kidogo ya kupata mapacha ikiwa ana historia ya familia ya mapacha. Historia ya familia ya mapacha upande wa mama huongeza uwezekano huu zaidi ya historia ya familia kwa upande wa baba

Matibabu ya uzazi –

Sababu kuu inayoongeza uwezekano wa kupata mapacha ni matibabu ya uzazi, kwa mfano baadhi ya dawa za uzazi hufanya kazi kwa kuchochea mayai ya mwanamke, na hiyo hupelekea kutoa zaidi ya yai moja. Ikiwa mbegu za kiume zitarutubisha mayai haya yote mawili, hii inaweza kusababisha mapacha.

Urutubishaji katika vituo vya IVF pia inaweza kuongeza nafasi ya kupata mapacha. Wataalamu wa afya hufanya IVF kwa kunyonya mayai ya mwanamke na kurutubisha kwa mbegu za mfadhili kwenye maabara ili kutoa kiinitete. Kisha wanahamisha kiinitete kilichorutubishwa ndani ya tumbo la uzazi la mwanamke. Ili kuongeza uwezekano wa kufaulu, mtaalamu wa afya anaweza kuweka kiinitete zaidi ya kimoja kwenye tumbo la uzazi. Mapacha wanaweza kutokea ikiwa viinitete vyote viwili vitapandikizwa na kukua kwa mafanikio.

Umri –

Wanawake walio na umri wa miaka 30 au zaidi wana uwezekano mkubwa wa kupata mapacha. Sababu ya hii ni kwamba wanawake wa umri huu wana uwezekano mkubwa wa kutoa yai zaidi ya moja wakati wa mzunguko wao wa uzazi.

Urefu na uzito

Wanawake warefu au wazito wanauwezekano mkubwa zaidi kwa kupata mapacha wasiofanana kuliko wanawake wadogo. Sababu za hii si wazi, lakini inaweza kuwa kutokana na lishe bora.

Kuna madai mengi ambayo hayajathibitishwa kuhusu jinsi ya kuongeza uwezekano wa kupata mapacha. Watu wengine wanashauri kufuata lishe maalum au kutumia matibabu fulani mbadala, lakini hakuna ushahidi wa kisayansi wa kuunga mkono njia hizi. Matibabu ya uzazi, hasa IVF na vichocheo vya mayai, huongeza uwezekano wa kupata mapacha. Hata hivyo, mimba ya mapacha ni hatari zaidi kwa mwanamke na mtoto alietumboni.